harivarasanam

PUTHENVEEDU

2011-07-22T10:13:00.000-07:00

പുരാണപുരുഷനും ചരിത്രപുരുഷനും

2011-01-31T22:18:00.001-08:00

പുരാണപുരുഷനും ചരിത്രപുരുഷനും
പന്തളം കോവിലകം നിര്‍മ്മിക്കപ്പെട്ടത് ഏ.ഡി.700 ആണെന്നു പുരാണിക് എന്‍സൈക്ലോപീഡിയാ
പറയുന്നു എന്ന്‍ യൂ.കമലാനാഥന്‍( മാതൃഭൂമി ആഴ്ചപ്പതിപ്പു 88:48 ഫെബ്രു.6-12,2011) പേജ് 10
" മുന്നൂറും പുനരേഴുപത്തുമതിനോടേഴും മുറയ്ക്കൊപ്പമായ്
വന്നോരാണ്ടഥ പാണ്ഡ്യഭൂപതി കുടുംബത്തോടുമപ്പന്തളേ
തോന്നല്ലൂരില്‍...."
എന്നശബരിഗിരിവര്‍ണ്ണനപ്രകാരം കുടിയേറ്റം കൊ.വ.377(ഏ.ഡി1202) ല്‍ ആവണം.പുരാണിക് എന്‍സൈക്ലോപീഡിയായും
ഒപ്പം കമലാനാഥനും ശാസ്താവും അയ്യപ്പനും ഒരാളെന്നു തെറ്റിദ്ധരിക്കുന്നു.ശൈവവൈഷ്ണവ മല്‍സരം ഒഴിവാക്കാന്‍ ശങ്കരാചാര്യര്‍
ശങ്കര നാരായണനെ സൃഷ്ടിച്ചതുപ്പൊലെ സൃഷ്ടിച്ചതാവണം ഹരിഹരപുത്രനായ ശാസ്താവിനേയും.
എങ്കില്‍ ശാസ്താവ് എന്ന അത്യാധുനിക പുരാണ പുരുഷന്‍ സൃഷ്ടിക്കപ്പെട്ടത് ശങ്കരാചാര്യരുടെ കാലത്ത് (ക്രി.പി. 788 - 820) ആവണം.
അയ്യന്‍ അയ്യപ്പന്‍ എന്ന വീരമണികണ്ഠന്‍ എന്ന ചരിത്ര പുരുഷന്‍ ജീവിച്ചിരുന്നത് പതിമൂന്നാം നൂറ്റാണ്ടിലോ അതിനു ശേഷമോ ആവണം.
ഉദയന്‍ എന്ന കൊള്ളക്കാരന്‍ നശിപ്പിച്ച കാനന ക്ഷേത്രം പുനര്‍നിര്‍മ്മിച്ചതോടെ അപ്രത്യക്ഷനായ/ കൊല്ലപ്പെട്ട സേനാനായകന്‍
പുരാണത്തിലെ ശാസ്താവിന്റെ അവതാരം എന്നു ജനം വിശ്വസിച്ചു തുടങ്ങി എന്നു മാത്രം.

POLACHIRAYKKAL Kochumman Contactor

2011-01-10T17:48:00.000-08:00

രണ്ടായ (കൊച്ച്) ഉമ്മനേയും തൊമ്മനേയും ഒന്നെന്നു കണ്ട്...

ഇടമറുകു ജോസഫ് നാസ്തികനും (ആര്‍.കെ ദാമോദരന്‍ മാതൃഭൂമി ആഴ്ചപ്പതിപ്പ് ജനുവരി 30 ലക്കം)
യുക്തിവാദിയും എന്നതിനു പുറമേ ഒരു ചരിത്രകാരനും
പത്രപ്രവര്‍ത്തകനും (മനോരമ ഈയര്‍ബുക് അദ്ദേഹത്തിന്റെ പരിശ്രമഫലം ആയിരുന്നു)
ആയിരുന്നു.മാവേലിക്കര പോളച്ചിറയ്ക്കല്‍ കൊച്ചുമ്മന്‍ മുതലാളി(കോണ്ട്രാക്ടര്‍) യെ
കുറിച്ചു ഇടമറുക് എഴുതിയ സചിത്രലേഖനം അവിശ്വസിക്കേണ്ട കാര്യമില്ല.
ആര്‍ട്ടിസ്റ്റ് രാജാ രവിവര്‍മ്മ ഭീമസേനനെ വരയ്ക്കാന്‍ മോഡല്‍ ആക്കിയ പോളച്ചിറയ്ക്കല്‍
കൊച്ചുമ്മന്‍ ഇരുപതാം നൂറ്റാണ്ടില്‍,1904 കാലത്തെ ശബരിമല പുനര്‍നിര്‍മ്മാണകാലത്തു
കോണ്ട്രാക്ടര്‍ ആയിരുന്നു.

എന്നാല്‍ ഡോ.എസ്.കെ നായര്‍ പറയുന്ന കൊച്ചുമ്മന്‍,ആലങ്ങാടു കാരുടെ കൂടെപ്പോയ
കൊച്ചുമ്മന്‍, പുരാതനകാലത്ത് അയ്യപ്പന്റെ ജീവിതകാലത്ത്,അതായത് വാവര്‍ ജീവിച്ചിരുന്ന കാലത്ത്
പതിനാലാം നൂറ്റാണ്ടില്‍ (പന്തളം രാജവംശം തിരുവിതാം കൂറില്‍ കുടിയേറിയത്
പതിമൂന്നാം നൂറ്റാണ്ടില്‍) ആര്‍ത്തുങ്കല്‍ ജീവിച്ചിരുന്നതായി അദ്ദേഹം ആഖ്യായികയില്‍ പറഞ്ഞ
കൊച്ചുതൊമ്മന്‍ ആവണം.രണ്ടും രണ്ടു പേര്‍ .ശ്രീ.രവിമേനൊന്റെ ലേഖനത്തില്‍
ശബരിമല പുനര്‍നിര്‍മ്മിതി കാലഘട്ടം വ്യക്തമാക്കാതെ വന്നതിനാല്‍ ഉണ്ടായ തെറ്റിദ്ധാരണ യാണ്‌
ശ്രീ.ആര്‍.കെ .ദാമോദരനെ വിമര്‍ശിക്കാന്‍ ഇടവന്നത്.അതില്‍ ഖേദിക്കുന്നു.

ഡോ.നായരുടെ കൊച്ച് തൊമ്മന്‍ (ആര്‍.കെയുടേയും) ജീവിച്ചിരുന്ന ആളോ കല്‍പ്പിതകഥാപാത്രമോ എന്നറിവില്ല.
സി.വിയുടെമാര്‍ത്താണ്ഡവര്‍മ്മയിലെ അനന്തപദ്മനാന്‍ഭന്‍( ഭ്രാന്തന്‍ ചാന്നാന്‍) പോലെ
ആഖ്യായികയിലെ ഒരു കല്‍പ്പിതകഥാപാത്രവും ആകാം.ഡോ.എസ്.കെ.
നായരല്ലാതെ ആരെങ്കിലും ഈ കൊച്ചു തൊമ്മനെ കുറിച്ചു എഴുതിയതായും അറിവില്ല.
പോളച്ചിറയ്ക്കല്‍ കൊച്ചുമ്മന്‍ മുതലാളി 100 കൊല്ലം മുമ്പു മാവേലിക്കരയില്‍
ജീവിച്ചിരുന്ന വ്യക്തി ആയിരുന്നു.മരണം 1907 ല്‍.അതു ചരിത്രസത്യം.

അയ്യപ്പ ഭക്തി ഗാനങ്ങള്‍

2010-12-28T17:38:00.000-08:00

അയ്യപ്പ ഭക്തി ഗാനങ്ങള്‍

ഹരിവരാസനത്തിന്റെ രചയിതാവ് കുളത്തൂര്‍ അയ്യര്‍ അല്ല ജാനകിയമ്മ ആണെന്ന വാദം
(പാട്ടെഴുത്ത്,രവിമേനോന്‍,മാതൃഭൂമി ആശ്ചപ്പതിപ്പു ലക്കം 88:43)
ശരിയാവാം. പക്ഷേ പോളച്ചിറയ്ക്കല്‍ കൊച്ചു തൊമ്മനെകുറിച്ചെഴുതിയത് ശരിയാണെന്നു തോന്നുന്നില്ല.
മാവേലിക്കര പോളച്ചിറയ്ക്കല്‍ കൊച്ച് ഉമ്മന്‍ ‍(കൊച്ചു തൊമ്മന്‍ അല്ല) കോണ്ട്രാക്ടറെ കുറിച്ചു സചിത്രവിവരണം
ഇടമറുകിന്റെ ശബരിമലയും പരുന്തു പറക്കലും മകരവിളക്കും
(ഇന്ത്യന്‍ എതീസ്റ്റ്,ന്യൂ ഡല്‍ഹി1988. ഈ ലേഖകനും ഇടമറുകും തമ്മില്‍ 1975 ജനുവരി മുതല്‍ ജനയുഗം
വാരികയില്‍ നടത്തിയ തുടര്‍സംവാദത്തിന്റെ
പുസ്തകരൂപം) എന്ന പുസ്തകതിലെ അഞ്ചാം അധ്യായത്തില്‍ -കത്തനാര്‍ പണിയിച്ച ക്ഷേത്രം-വായിക്കാം.
1900 ല്‍ ഉണ്ടായ അഗ്നിബാധയെ തുടര്‍ന്ന്‍
1904 ല്‍ പുനര്‍നിര്‍മ്മാണം തുടങ്ങിയത് മാവേലിക്കരയിലെ കൊച്ച് ഉമ്മന്‍ ആയിരുന്നു.കൊല്ലം പൂതക്കുളങ്ങര
കൊട്ടാരവളപ്പില്‍ നിര്‍മ്മിക്കപ്പെട്ട ശില്‍പങ്ങളും മറ്റും
അഴിച്ച് ,കോട്ടയം.മുണ്ടക്കയം,പടിഞ്ഞാറെപ്പാറ വഴി ശബരിമലയില്‍ എത്തിച്ചതെല്ലാം കൊച്ചുമ്മന്‍.ക്ഷേത്രം
പണിതീരുന്നതിനു മുമ്പു 1907ല്‍ കൊച്ച് ഉമ്മന്‍
മുതലാളി മരിച്ചു.ആണ്മക്കള്‍ ചെറുപ്പം. തുടര്‍ന്നു മകളുടെ ഭര്‍ത്താവ് വടക്കേതലയ്ക്കല്‍ സ്കറിയാ കത്തനാര്‍ പണിനടത്തിയത്
1910-13 കാലഘട്ടത്തില്‍.
തെറ്റൂ പറ്റിയത് ഗാനം എഴുതിയ ആര്‍.കെ.ദാമോദരനാവാം.ഒരുപക്ഷേ മനപ്പൂര്‍വ്വം തെറ്റുവരുത്തിയതാകാം.ഇനി
ഡോ.എസ്സ്.കെ നായര്‍ക്കു തെറ്റു പറ്റിയതുമാവാം.
ഡോക്ടര്‍ പുതിയൊരാളെ സൃഷ്ടിച്ചതുമാവാം.നോവലിസ്റ്റിനു പുതിയ കഥാപാത്രങ്ങളെ സൃഷ്ടിക്കാം.കവികള്‍ക്ക്
അതവലംബമാക്കി ഗാനം എഴുതാം.പക്ഷേ
അതെല്ലാം ചരിത്രമാവില്ല.
ഏതായാലും ശബരിമല പുതുക്കി പണിതത് മാവേലിക്കര പോളച്ചിറയ്ക്കല്‍ കൊച്ച് ഉമ്മന്‍ മുതലാളിയും പുത്രീഭര്‍ത്താവ്
സ്കറിയാ കത്തനാരുമാണ്‌
അര്‍ത്തുങ്കല്‍ കാരന്‍ കൊച്ചു തൊമ്മന്‌ അതില്‍ പങ്കില്ല.

കൊച്ചുതൊമ്മനല്ല; കൊച്ച് ഉമ്മന്‍

2010-12-28T00:12:00.003-08:00

കൊച്ചുതൊമ്മനല്ല; കൊച്ച് ഉമ്മന്‍
ഹരിവരാസനത്തിന്റെ രചയിതാവ് കുളത്തൂര്‍ അയ്യര്‍ അല്ല ജാനകിയമ്മ ആണെന്ന വാദം(പാട്ടെഴുത്ത്,രവിമേനോന്‍,മാത്രുഭൂമി ആ‍ശ്ചപ്പതിപ്പു ലക്കം 88:43)
ശരിയാവാം. പക്ഷേ പോളച്ചിറയ്ക്കല്‍ കൊച്ചു തൊമ്മനെകുറിച്ചെഴുതിയത് ശരിയാണെന്നു തോന്നുന്നില്ല. മാവേലിക്കര പോളച്ചിറയ്ക്കല്‍
കൊച്ച് ഉമ്മന് ‍(കൊച്ചു തൊമ്മന്‍ അല്ല) കോണ്ട്രാക്ടറെ കുറിച്ചു സചിത്രവിവരണം ഇടമറുകിന്റെ ശബരിമലയും പരുന്തു പറക്കലും മകരവിളക്കും
(ഇന്ത്യന്‍ എതീസ്റ്റ്,ന്യൂ ഡല്‍ഹി1988. ഈ ലേഖകനും ഇടമറുകും തമ്മില്‍ 1975 ജനുവരി മുതല്‍ ജനയുഗം വാരികയില്‍ നടത്തിയ തുടര്‍സംവാദത്തിന്റെ
പുസ്തകരൂപം) എന്ന പുസ്തകതിലെ അഞ്ചാം അധ്യായത്തില്‍ -കത്തനാര്‍ പണിയിച്ച ക്ഷേത്രം-വായിക്കാം.
1900 ല്‍ ഉണ്ടായ അഗ്നിബാധയെ തുടര്‍ന്ന്‍
1904 ല്‍ പുനര്‍നിര്‍മ്മാണം തുടങ്ങിയത് മാവേലിക്കരയിലെ കൊച്ച് ഉമ്മന്‍.കൊല്ലം പൂതക്കുളങ്ങര കൊട്ടാരവളപ്പില്‍ നിര്‍മ്മിക്കപ്പെട്ട ശില്‍പങ്ങളും മറ്റും
അഴിച്ച് കോട്ടയം.മുണ്ടക്കയം,പടിഞ്ഞാറെപ്പാറ വഴി ശബരിമലയില്‍ എത്തിച്ച്ത് കൊച്ചുമ്മന്‍.ക്ഷേത്രം പണിതീരുന്നതിനു മുമ്പു 1907ല്‍ കൊച്ച് ഉമ്മന്‍
മുതലാളി മരിച്ചു.ആണ്മക്കള്‍ ചെറുപ്പം.തുടര്‍ന്നു മകളുടെ ഭര്‍ത്താവ് വടക്കേതലയ്ക്കല്‍ സ്കറിയാ കത്തനാര്‍ പണിനടത്തിയത് 1910-13 കാലഘട്ടത്തില്‍.
തെറ്റൂ പറ്റിയത് ഗാനം എഴുതിയ ആര്‍.കെ.ദാമോദരനാവാം.ഒരുപക്ഷേ മനപ്പൂര്‍വ്വം തെറ്റുവരുത്തിയതാകാം.ഇനി ഡോ.എസ്സ്.കെ നായര്‍ക്കു തെറ്റു പറ്റിയതുമാവാം.
ഡോക്ടറുടെ അയ്യപ്പന്‍ നോവല്‍ കൈവശമില്ല.ഏതായാലും ശബരിമല പുതുക്കി പണിതത് പോളച്ചിരയ്ക്കല്‍ കൊച്ച് ഉമ്മന്‍ മുതലാളിയും പുത്രീഭര്‍ത്താവ്
സ്കറിയാ കത്തനാരുമാണ്‌
അര്‍ത്തുങ്കല്‍ കാരന്‍ കൊച്ചു തൊമ്മന്‌ അതില്‍ പങ്കില്ല.

Sabarimala Temple Arson Case”

2010-12-11T23:29:00.000-08:00

THE SABARIMALA TEMPLE ARSON REPORT

“Sabarimala Temple Arson Case” which was later published by Government of Kerala in 1957. This report (35 pages) is now available from a government owned website (Information & Public relations Department) (http://www.firstministry.kerala.gov.in/).

Sabarimala Temple Arson Case: Enquiry Report was the report of the investigation of the same case conducted by Shri. K. Kesava Menon, Deputy Inspector General of Police, Special Branch, C.I.D. (On Special Duty). This report is significant for multiple reasons. Firstly, this report completely unravels the players who are actually involved in this issue.

http://indianrealist.wordpress.com/2010/01/16/mullaperiyar-dam-controversy-and-sabarimala/

PETTATHULLAL (MANORAMAONLINE)

2010-01-11T18:29:00.001-08:00

http://www.manoramaonline.com/cgi-bin/mmonline.dll/portal/ep/mm/malayalam/pictureGalleryPopup.jsp?picGallery=/MM+Photo+Galleries/Festival/Erumeli+Pettathullal&BV_ID=@@@

2010-01-10T23:37:00.001-08:00

2009-01-17T17:14:00.000-08:00

2009-01-17T17:13:00.000-08:00

Vellala s in iPaper

2009-01-13T18:20:00.000-08:00

Who Are Vellalas

Publish at Scribd or explore others: Culture kvmsabout vellalas

2009-01-11T14:07:00.000-08:00

ജോസഫ്‌ ഇടമറുക്‌ ഇന്നില്ല;

പക്ഷേ മുണ്ടക്കയം ജോണുണ്ടല്ലോ. സനല്‍ ഇടമറുകും

എരുമേലി പേട്ടതുള്ളലിന്‌ ഇന്നത്തെ അത്ര പ്രശസ്തി കൈവന്നിട്ടില്ലാത്ത കാലം.
1975 ജനുവരി 5 ലെ ജനയുഗം വാരികയില്‍ ,ഞാന്‍ പേട്ടതുള്ളലിനെ കുറിച്ചു
വിശദമായി ഒരു സചിത്ര ലേഖനം എഴുതി. അമ്പലപ്പുഴ സംഘം പേട്ട കെട്ടുമ്പോള്‍
കൃഷ്ണപരുന്തു വരുന്നതും
ആലങ്ങാട്ടു സംഘം തുള്ളുമ്പോള്‍ , നക്ഷത്രം കാണപ്പെടുന്നതും അതില്‍ എടുത്തു പറഞ്ഞിരുന്നു.
പരാമര്‍ശങ്ങള്‍ ശരിയാണോ എന്നു പരിശോധിക്കാന്‍ പത്രാധിപര്‍ കാമ്പിശ്ശേരി കരുണാകരന്‍
യുക്തിവാദികളെ വെല്ലുവിളിച്ചു. ജോസഫ്‌ ഇടമറുകും കൂട്ടരും അതേറ്റെടുത്തു.
അവരുടെ പ്രതിനിധിയായി
ജോണ്‍ മുണ്ടക്കയം
എന്നൊരു പയ്യന്‍ ഒരാഴ്ചക്കാലം നിരീക്ഷണം നടത്തി ഒരു ഗരുഡന്‍ ഡയറി തയ്യാറാക്കി.
പേട്ട തുള്ളല്‍ സമയത്ത്‌ പരുന്തിനെ കണ്ടില്ലാ എന്നും ഏതാനും കാക്കകളെ മാത്രം
കണ്ടുവെന്നും എന്നാല്‍ മറ്റു സമയങ്ങളില്‍ പരുന്തുകളെ കണ്ടിരുന്നു എന്നും ആയിരുന്നു
മുണ്ടക്കയം ജോണിന്‍റെ നിഗമനം.അതു ശരിയോ തെറ്റോ എന്നു കണ്ടെത്തുക അക്കാലത്തു
സാധ്യമായിരുന്നില്ല.
പേട്ടതുള്ളലും ക്ഷേത്രപുരാവൃത്തങ്ങളും (1976)
എന്ന എന്‍റെ പുസ്തകത്തില്‍ എന്റെ ലേഖനം കാണാം.

ശബരിമലയും പരുന്തു പറക്കലും മകരവിളക്കും (1988)
എന്ന ഇടമരുകിന്‍റെ പുസ്തകത്തില്‍ ജോണിന്റെ ഗരുഡന്‍ ഡയറിയും
ഗരുഡന്‍ വന്നില്ല ; പകല്‍ നക്ഷത്രം ഉദിച്ചില്ല
എന്ന ഇടമറുകു ലേഖനവും വായിക്കാം.

രസകരമായ കാര്യം :
2008 ജനുവരി 11 ഉച്ച്ക്കു മനോരമ ചാനലില്‍
അമ്പലപ്പുഴ സംഘത്തിന്‍റെ പേട്ടതുള്ളല്‍ തല്‌സമയം കാട്ടി.
ഇടക്കിടെ ആകാശത്തില്‍ വട്ടമിട്ടു പറന്നിരുന്ന കൃഷ്ണപരുന്തിനെ
പലതവണ മനോരമ കാട്ടിക്കൊടുത്തു.
അന്നത്തെ പയ്യന്‍സ്‌, ജോണ്‍ മുണ്ടക്കയം, ഇന്നു മനോരമയിലെ മുതിര്‍ന്ന പത്രപ്രവര്‍ത്തകനാണ്‌.
മനോരമയില്‍ കടന്നതോടെ ജോണിന്‍റെ യുക്തിവാദം കുഴിച്ചു മൂടപ്പെട്ടിരിക്കും.
ജോസഫ്‌ ഇടമറുക്‌ ഇന്നില്ല. മകന്‍ സനല്‍ പിതാവിന്‍റെ കാല്‍ നഖേന്ദു
മരീചികള്‍ പിന്തുടരുന്നു.
മനോരമയിലെ ജോണ്‍ മുണ്ടക്കയത്തിനും സനല്‍ ഇടമറുകിനും
മനോരമ ചാനലില്‍ വന്ന ദൃശ്യത്തെ കുറിച്ചു പരയാനുള്ളതു കേള്‍ക്കാന്‍ താല്‍പ്പര്യം.
മ്നോരമ ചാനലിലെ ദൃശ്യം ഇതോടൊപ്പം

ചിറക്കടവു വേലകളി

2008-08-20T07:02:00.000-07:00

പണ്ട്‌ വഞ്ഞിപ്പുഴ തമ്പുരാന്റെ ആധിപത്യത്തിലായിരുന്നു ചിറക്കടവ്‌, ചെറുവള്ളി,പെരുവന്താനം ക്ഷേത്രങ്ങള്‍. നാട്ടുപ്രമാണിമായിരുന്ന മാലമല കൈമല്‍, കാമനാമഠം പണിക്കര്‍, കാരിയില്‍ കാരണവ,ര്‍ എന്നിവരുടെ നേതൃത്വത്തില്‍ തമ്പുരാന്റെ സംരക്ഷണത്തിനായി നായര്‍ പട്ടാളമുണ്ടായിരുന്നു. തമ്പുരാന്റെ ആധിപത്യം കഴിഞ്ഞപ്പോള്‍, അവരെ ചിറക്കടവു മഹാദേവന്റെ അംഗരക്ഷകരാക്കി,രണ്ടു സംഘമാക്കി. അമ്പലപ്പുഴ വേലകളിയുടെ വേഷമായ ചുമന്ന പട്ട്‌ തലയില്‍ കെട്ടിയ തലപ്പാവ്‌ വെള്ളമുണ്ടിനു മുകളില്‍ ചുമന്ന പട്ടു കൊണ്ടുള്ള ഉടുത്തുകെട്ടുംസ്വീകരിച്ചു. ഓച്ചിറക്കളിയിലെ വാളും പരിചയും ആയുധമാക്കി. ഉത്സവത്തിനു വേലകളി സ്ഥിരമാക്കി. മാമല്‍ക്കൈമളുടേത്‌ തെക്കുംഭാഗം. കാമനമഠം പണിക്കരുടേത്‌ വടക്കുംഭാഗം. ഏഴാം ഉത്സവത്തിനു തെക്കും ഭാഗം. എട്ടാം ഉത്സവത്തിനു വടക്കും ഭാഗം. ഒന്‍പതിനും പത്തിനുംഇരുവരും ചേര്‍ന്നു " കൂടിവേല".

"ഹരിവരാസനം"

2008-08-20T06:46:00.001-07:00

ശബരിമല ശാസ്താവിന്‍റെ ഉറക്കു പാട്ടായ "ഹരിവരാസനം" കമ്പക്കുടി കുളത്തൂര്‍ സുന്ദരേശയ്യര്‍ രച്ചിചതാണ്‌.
ഹരിഹരപുത്രനായ ശാസ്താവിന്‍റെ വിശ്വസുന്ദരമായ രൂപഭാവങ്ങളെ വര്‍ണ്ണിക്കയും പ്രകീര്‍ത്തിക്കയും ചെയ്യുന്ന
ഹരിവരാസനം കീര്‍ത്തനം സമാനതകളില്ലാത്ത ദേവ സംഗീതമാണ്‌ .ആദി താളത്തില്‍ മധ്യമാവതി രാഗത്തില്‍
സംസ്കൃതപദങ്ങളാല്‍ ചിട്ടപ്പെടുത്തപ്പെട്ട പതിനാറ്‌ പാദങ്ങളാണ്‌ ഈ കീര്‍ത്തനത്തിനുള്ളത്‌.അതില്‍ ഏഴുപാദം
മാത്രമാണ്‌ ശബരിമല ശാസ്താവിനെ ഉറക്കുവാന്‍ നടതുറന്നിരിക്കുന്ന ദിവസങ്ങളില്‍ രാത്രി 10.55 ന്‌ പാടാറുള്ളത്‌.

മണികണ്ഠനെന്ന് അയ്യന്‍ അയ്യപ്പന്‍, കമ്പക്കുടി കുടുംബത്തോടു കടപ്പെട്ടിരിക്കുന്നതായി ഒരൈതീഹ്യമുണ്ട്‌.
തമിഴ്‌നാട്ടിലെ തേനി ജില്ലയിലാണ്‌ "കമ്പക്കുടി". പന്തളത്തു നിന്നും പുലിപ്പാലിനു പോയ അയ്യന്‍ അയ്യപ്പന്‍
വിശന്നു വലഞ്ഞ്‌ കാട്ടിനുള്ളില്‍ കണ്ട ഒരു ചെറുകുടിലിലേക്കു കയറിച്ചെന്നു. അവിടെയുണ്ടായിരുന്ന വയസ്സായ
പാട്ടി "കമ്പ്‌" എന്ന ധാന്യം അരച്ച്‌ കഞ്ഞി കുടിക്കാന്‍ കൊടുത്തു.വിശന്നുവന്ന തനിക്കു കമ്പു പൊടിച്ചു കഞ്ഞി
നല്‍കിയ കുടുംബം മേലില്‍ "കമ്പക്കുടി" എന്നറിയപ്പെടും എന്നു അയ്യപ്പന്‍ അരുളിച്ചെയ്തു.
ആ കുടുംബത്തില്‍ ജനിച്ച സുന്ദരേശയ്യര്‍ രചിച്ച കീര്‍ത്തനം ആണ് ഹരിവരാസനം.
നാലപ്പതുകളില്‍ ശബരിമല വലിയ കാടായിരുന്നു.ഭക്തര്‍ തീരെ കുറവും.ആലപ്പുഴകാരനായ വീ.ആര്‍.ഗോപാലമേനോന്‍ എന്നൊരു
ഭകതന്‍ ശബരിമലയില്‍ ചെറിയൊരു കുടില്‍ കെട്ടി താമസ്സിച്ചിരുന്നു. പുറപ്പെടാശാന്തിയായി അവിടെ കഴിഞ്ഞു കൂടിയിരുന്ന
ശബരിമല മേള്‍ശാന്തി ഈശ്വരന്‍ നമ്പൂതിരിയുടെ ഏക സുഹൃത്ത് മേനോന്‍ ആയിരുന്നു.മേനോന്‍ ദിവസവും ദീപാരാധന
സമയം ഹരിവരാസനം ആലാപിച്ചിരുന്നു. ദേവസം ബോര്‍ഡ് ശബരിമല ഭരണം ഏറ്റെടുത്തപ്പോള്‍ മേനോനെ കുടിയിറക്കി.
വണ്ടിപ്പെരിയാറിലെ മൗണ്ട് എസ്റ്റേറ്റില്‍ അനാഥനായി മേനോന്‍ മരണമടഞ്ഞു.സുഹൃത്തിന്‍റെ മരണവാര്‍ത്ത അറിഞ്ഞ
മേള്‍ ശാന്തി അന്നു നടയടക്കും മുന്‍പു ഹരിവരാസനം ആലാപിച്ചു മേനോനെ അനുസ്മരിച്ചു.പിന്നെ ആ ആലാപനം
പതിവായി.

1950 ല്‍ ശബരിമല ക്ഷേത്രം അഗ്നിക്കിരയായപ്പോള്‍, "ഒരു ക്ഷേത്രം നശിച്ചാല്‍ അത്രയും അന്ധവിശ്വാസം തകരും"
എന്നു മുഖ്യമന്ത്രി സി.കേശവന്‍ പ്രസ്താവിച്ച കാലഘട്ടത്തില്‍, അയ്യപ്പ ധര്‍മ്മം പ്രചരിപ്പിക്കാന്‍, "വിമോചനാനന്ദ സ്വാമികള്‍ "
ആയി മാറിയ കൃഷ്ണന്‍ നായര്‍ ദക്ഷിണേന്ത്യ മുഴുവന്‍ ചുറ്റിക്കറങ്ങി.ഹരിവരാസനം കീര്‍ത്തനം അദ്ദേഹം നാടെങ്ങും പ്രചരിപ്പിച്ചു.
ക്ഷേത്ര പുനര്‍നിര്‍മ്മാണത്തിനു സംഭാവന പിരിച്ചു. അദ്ദേഹത്തിന്‍റെ ചിത്രം വച്ചാരാധിക്കുന്നവര്‍ തമിഴ്‌, ആന്ധ്രാ,കര്‍ണ്ണാടക
സംസ്ഥാനങ്ങളില്‍ ധാരാളമുണ്ട്‌. യേശുദാസ്സും ജയവിജയന്‍മാരും ഹരിവരാസനം ആപാദമധുരമായി പാടിയിട്ടുണ്ട്‌.
യേശുദാസ് ഈ കീര്‍ത്തനം വീണ്ടും പാടി റിക്കാര്‍ഡു ചെയ്യാന്‍ പോകുന്നു.

ശബരിമല അന്വേഷണ റിപ്പോര്‍ട്ട് വെളിച്ചം കണ്ടില്ല. സീ.കേശവനു മകന്‍ ഭദ്രന്‍ വിമാനാപകടത്തില്‍ മരണമടയുന്നതു കാണേണ്ടി
വന്നു.ബാലനും കൗമുദിയും തകരുന്നതിനു മുന്‍പു ഈ ലോകത്തോടു വിടപറഞ്ഞു.അനന്തര തലമുറ എവിടെയെന്നാര്‍ക്കുമറിഞ്ഞുകൂടാ.
തീവയ്പ്പിനു നേതൃത്വം നല്‍കിയ കാഞ്ഞിരപ്പള്ളിയിലെ സമ്പന്നരും നശിച്ചു. ശബരിമല ക്ഷേത്രം വര്‍ഷം തോറും കൂടുതല്‍ കൂടുതല്‍
ഭക്തരെ ആകര്‍ഷിച്ചു ലോകപ്രശസ്തി നേടുന്നു.